इस्लामपूरचं नाव बदलणार! छगन भुजबळांची विधानसभेत मोठी घोषणा

Siddhi News: राज्याच्या पावसाळी अधिवेशनात मोठी घोषणा करताना अन्न आणि नागरी पुरवठा मंत्री छगन भुजबळ यांनी स्पष्ट केलं की इस्लामपूरचं नाव बदलणार असून, ते आता ‘ईश्वरपूर’ करण्याची प्रक्रिया राज्य सरकारनं सुरू केली आहे. गेल्या अनेक वर्षांपासून इस्लामपूर नाव बदलण्याची जनभावना होती आणि अखेर राज्य सरकारनं त्या भावना ओळखून पाऊल उचललं आहे.

इस्लामपूरचं नाव बदलणार : विधानसभेत काय म्हणाले छगन भुजबळ?

राज्य सरकारकडून केंद्र सरकारकडे नामांतरासाठी प्रस्ताव पाठवण्यात येणार असल्याचं त्यांनी विधानसभेत सांगितलं. महाराष्ट्र विधानसभा नियम ४७ अंतर्गत त्यांनी ही माहिती दिली. इस्लामपूर (तालुका वाळवा, जिल्हा सांगली) या शहराचं नाव बदलण्याची मागणी अनेक वर्षांपासून सुरु आहे.

केंद्र सरकारकडून मान्यता आवश्यक

भुजबळांनी स्पष्ट केलं की, शहरांची नावे बदलण्याचा अधिकार केंद्र सरकारकडे असतो. राज्य सरकारनं जनतेच्या भावना लक्षात घेतल्या असून, केंद्राच्या मार्गदर्शक तत्त्वांची पूर्तता करत प्रस्ताव पाठवला जाणार आहे. केंद्र सरकारकडून मान्यता मिळाल्यानंतरच अंतिम निर्णय घेतला जाईल.

40 वर्षांपासून सुरु आहे मागणी

पूर्वीच्या राष्ट्रीय स्वयंसेवक संघाचे स्थानिक नेते पंत सबनीस, तसेच काही महिन्यांपूर्वी आमदार गोपिचंद पडळकर यांनी देखील नाव बदलाची मागणी केली होती. इतकंच नव्हे तर, डिसेंबर १९८६ मध्ये शिवसेनाप्रमुख बाळासाहेब ठाकरे यांनी इस्लामपूर येथे झालेल्या सभेत ‘ईश्वरपूर’ असं नाव जाहीर व्यासपीठावरून उच्चारलं होतं.

पुढील टप्प्यात काय होईल?

केंद्राची मान्यता मिळाल्यानंतर इस्लामपूरचं अधिकृत नामकरण ‘ईश्वरपूर’ असं होईल. त्यानंतर:

ईश्वरपूर नगरपरिषद

ईश्वरपूर विधानसभा मतदारसंघ

सर्व शासकीय व निमशासकीय संस्था

व्यवसाय व उद्योगांची नावं

या सर्व ठिकाणी ‘ईश्वरपूर’ हे नाव वापरण्यात येईल.

इस्लामपूरचं नाव बदलणार ही घोषणा ही केवळ नावापुरती नसून, अनेक दशकांच्या जनभावनांचा सन्मान आहे. आता लक्ष लागलं आहे केंद्र सरकारच्या अंतिम निर्णयाकडे.

वाचा: विधानसभा लॉबी राडा : अध्यक्ष नार्वेकरांनी केली मोठी कारवाई