मुंबईसह देशभरात सोन्याचा दर घसरला, जाणून घ्या ताजे दर

Siddhi News: गेल्या काही आठवड्यांपासून तेजी अनुभवलेल्या सोने आणि चांदीच्या दरात आता थोडीशी घसरण झाली आहे. जागतिक आर्थिक घडामोडींचा थेट परिणाम भारतीय सर्राफा बाजारावरही दिसून येतोय.

डॉलर मजबूत – सोन्याच्या दरात घसरण

अमेरिकन डॉलरच्या मजबुतीसह त्याच्या अर्थव्यवस्थेतील सकारात्मक आकडेवारीमुळे शुक्रवारी सोन्याचे दर घसरले.
मुंबईत आज (18 जुलै 2025) 22 कॅरेट सोन्याचा दर ₹91,140 आणि 24 कॅरेट सोन्याचा दर ₹99,490 प्रतितोळा इतका आहे.
चांदीची किंमत ₹100 रुपयांनी कमी होऊन आता ₹1,13,900 रुपये प्रतिकिलो झाली आहे.

अमेरिकेतील आर्थिक सुधारणा – गुंतवणूकदारांवर परिणाम

जून महिन्यात अमेरिका रिटेल विक्रीत 0.6% वाढ झाली आहे, जिथे फक्त 0.1% वाढीचा अंदाज होता.
बेरोजगारीचे दावेही घटले असून, ही स्थिती गुंतवणूकदारांचा आत्मविश्वास वाढवते.

मल्टी कमोडिटी एक्सचेंजवरील बदल

5 ऑगस्ट संपणाऱ्या सोन्याच्या वायदे दरात 0.02% घट – ₹97,470

5 सप्टेंबर संपणाऱ्या चांदीच्या वायदे दरात 0.18% वाढ – ₹1,12,683

                                                   भारतातील प्रमुख शहरांतील आजचा सोन्याचा दर

शहर	22 कॅरेट (10 ग्रॅम)	24 कॅरेट (10 ग्रॅम)
मुंबई	₹91,140	₹99,490
कोलकाता	₹91,060	₹99,340
हैदराबाद	₹91,060	₹99,340
पाटणा	₹91,110	₹99,390
अहमदाबाद	₹91,110	₹99,390
जयपूर	₹91,140	₹99,490

वर्षभरात किती वाढले दर?

2025 मध्ये आतापर्यंत:

सोन्याचा दर वाढला ₹22,088 ने

चांदी झाली महाग ₹26,283 ने

31 डिसेंबर 2024 ला सोन्याचा दर ₹76,045 होता आणि चांदी ₹85,860 प्रति किलो.

वाचा:What is Hallmarking:हॉलमार्किंग म्हणजे काय? सोन्याची शुद्धता कशी ओळखावी ते समजून घ्या

गुंतवणुकीसाठी संधी की सावधगिरी?

सोने-चांदी हे पारंपरिक सुरक्षित गुंतवणुकीचे पर्याय आहेत. परंतु जागतिक बाजारातील चढ-उतार, टॅरिफ धोरणं, शेअर मार्केटमधील अस्थिरता यामुळे गुंतवणूक करताना योग्य वेळी निर्णय घेणं गरजेचं आहे.

सोन्याचा दर सध्या स्थिरतेऐवजी चढ-उतारात आहे. गुंतवणूकदारांनी बाजाराचे विश्लेषण करूनच पुढील पाऊल उचलावे. सणासुदीच्या काळात दरांमध्ये पुन्हा वाढ होण्याची शक्यता नाकारता येत नाही.

तुम्ही आज सोने खरेदी केलं का? तुमचा अनुभव आम्हाला कमेंटमध्ये जरूर सांगा!

वाचा: Hallmarking Gold का खरेदी करावे? जाणून घ्या 10 फायदे

वाचा: हॉलमार्क नसलेलं सोनं खरेदी करणे म्हणजे नुकसान पक्कं!