Siddhi News: राज ठाकरे-उद्धव ठाकरे युतीवर चर्चांना उधाण आलं असतानाच, मनसेप्रमुख राज ठाकरे यांनी सोशल मीडियावर पोस्ट करत आपली भूमिका स्पष्टपणे मांडली आहे. ‘युतीच्या चर्चा आता तुमच्याशी करायच्या का?’ असा सवाल उपस्थित करत त्यांनी माध्यमांना स्पष्ट सुनावलं. तसेच, राज ठाकरे-उद्धव ठाकरे युतीबाबत कोणताही निर्णय फक्त अधिकृत व्यासपीठावरूनच घेतला जाईल, असंही त्यांनी ठामपणे सांगितलं आहे.
राज ठाकरे-उद्धव ठाकरे युतीचे वारे आणि विजयी मेळाव्याचा गोंधळ
राज ठाकरे आणि उद्धव ठाकरे नुकतेच 5 जुलै रोजी पार पडलेल्या विजयी मेळाव्यात एकत्र दिसल्याने राजकीय वर्तुळात चर्चांना उधाण आलं. मनसे-शिवसेना (ठाकरे गट) युतीची शक्यता व्यक्त होत असतानाच, राज ठाकरे यांनी हे साफ केलं की, “तो मेळावा केवळ मराठी अस्मितेसाठी होता, त्याचा राजकारणाशी संबंध नाही.”
युतीच्या चर्चा आता तुमच्याशी करायच्या का?
राज ठाकरे यांनी १४-१५ जुलै रोजी इगतपुरीमध्ये पार पडलेल्या पक्षाच्या शिबिरात पत्रकारांशी अनौपचारिक गप्पा मारल्या होत्या. त्यावेळी त्यांनी युतीविषयी विचारल्यावर उत्तर दिलं – “युतीच्या चर्चा आता तुमच्याशी करायच्या का?”
पण त्यानंतर काही माध्यमांनी “राज ठाकरे महापालिकेच्या आधी युतीचा निर्णय घेणार” अशी बातमी प्रसारित केल्याने राज ठाकरे आक्रमक झाले.
पत्रकारितेवर जोरदार ताशेरे
राज ठाकरेंनी फेसबुक पोस्टद्वारे माध्यमांना जाब विचारला –
“मी बोललो नाही ते माझ्या तोंडात घालायचं ही कोणती नवीन पत्रकारिता?”
टाईम्स ऑफ इंडिया सारख्या प्रतिष्ठित दैनिकानेही शहानिशा न करता बातमी दिली, हे दु:खद आहे असं ते म्हणाले.
त्यांनी पुढे स्पष्ट केलं – “अनौपचारिक गप्पा अनौपचारिकच राहू द्या.”
ते म्हणाले, “आम्हाला काहीतरी सतत बोलायला लावा, किंवा काही मिळालं नाही तर बनवा बातम्या – ही पत्रकारिता नव्हे.”
राजकीय विधान हवं असेल तर मी पत्रकार परिषद घेईन
राज ठाकरेंचा पत्रकारितेशी दीर्घ संबंध आहे. त्यांनी ‘मार्मिक’पासून ‘सामना’पर्यंत व्यंगचित्रांच्या माध्यमातून काम केलं. म्हणूनच ते म्हणतात, “मी राजकीय विधान करणारच असेल, तर अधिकृत पत्रकार परिषद घेईन. त्याआधी काहीही गृहित धरू नका.”
वाचा: शशिकांत शिंदे मैदानात, राष्ट्रवादीचं (शरद पवार गट) नवं नेतृत्व
राज ठाकरे-उद्धव ठाकरे युतीचा निर्णय – फक्त अधिकृत व्यासपीठावरच!
राज ठाकरे यांनी एक गोष्ट ठामपणे स्पष्ट केली आहे – राजकारणात निर्णय गंभीर पद्धतीनेच घेतले जातात. माध्यमांनी अंदाज लावण्याऐवजी थेट आणि अचूक माहिती जनतेसमोर ठेवावी, हीच अपेक्षा.
राजकारणातील घडामोडींचे तपशील, फक्त अधिकृत स्रोतांतूनच वाचा – अफवांपेक्षा तथ्याला अधिक महत्त्व द्या!
वाचा: जय हिंद! 18 दिवसांनी शुभांशू शुक्ला पृथ्वीवर परतले
आमच्या WhatsApp ग्रुपमध्ये सामील व्हा आणि अपडेट्स पहा!