शंकराचार्य अविमुक्तेश्वरानंद मराठी वादात उतरले; ठाकरे बंधूंवर ताशेरे

Siddi News: मुंबईच्या राजकारणात सध्या मराठी विरुद्ध हिंदी वाद  होत असतानाच, गुरु पौर्णिमेच्या निमित्ताने शंकराचार्य स्वामी अविमुक्तेश्वरानंद सरस्वती यांनी या वादात उडी घेतली आहे. त्यांनी ठाकरे बंधूंवर थेट टीका केली असून, “मला मराठी शिकवा, मी देशभरात ती शिकवेन,” असा उल्लेख करत एकप्रकारे आव्हानच दिलं आहे.

शंकराचार्य अविमुक्तेश्वरानंद यांची ठाकरे बंधूंवर टीका, मराठीबाबत मांडले मत

मुंबईत महापालिका निवडणुका जवळ येत असताना ठाकरे आणि राज ठाकरे यांचं मराठीसाठी एकत्र येणं लक्षवेधी ठरत आहे. मात्र याच मुद्द्यावरून काही कार्यकर्त्यांकडून गैरप्रकारही घडल्याने टीका सुरू झाली. याच पार्श्वभूमीवर शंकराचार्यांनी आपली पहिली राजकीय प्रतिक्रिया दिली आहे.

शंकराचार्य अविमुक्तेश्वरानंद: ठाकरे हे महाराष्ट्राचे मूळ निवासी नाहीत, मगधहून आले होते

शंकराचार्य अविमुक्तेश्वरानंद यांनी स्पष्ट शब्दांत म्हटलं, “ठाकरे हे महाराष्ट्राचे मूळ निवासी नाहीत, ते मगधहून आले होते. त्यांनाही मराठी येत नव्हती, पण महाराष्ट्राने त्यांना स्वीकारलं. आता तेच मराठीच्या नावावर राजकारण करत आहेत.” या वक्तव्यामुळे वादाला नव्या वळणाची सुरुवात झाली आहे.

शंकराचार्य अविमुक्तेश्वरानंद -“तुम्ही मला शिकवा, मी देशभरात मराठी शिकवेन”

शंकराचार्य स्वामी अविमुक्तेश्वरानंद यांनी उद्धव आणि राज ठाकरे यांना उद्देशून म्हटलं, “मी दोन महिने मुंबईत असणार आहे. तुम्ही मला मराठी शिकवा. मी ती भाषा देशभर पोहोचवेन. मी मराठी शिकण्यास उत्सुक आहे.” त्यांचे हे विधान सोशल मीडियावर मोठ्या प्रमाणात चर्चेत आहे.

हिंदी ही राजभाषा, पण मराठीचा अवमान नको

अविमुक्तेश्वरानंद यांनी स्पष्ट केलं की, “हिंदी ही राजभाषा आहे, पण त्यामुळे इतर भाषांचा अपमान होऊ नये. मराठी ही संतांची भाषा आहे आणि तिचा आदर व्हायला हवा.” त्यांनी हेही नमूद केलं की, महाराष्ट्राच्या संतांचे महान विचार मराठीत आहेत आणि ते आत्मसात करण्याची त्यांची तयारी आहे.

राजकीय प्रतिक्रिया आणि सरकारवर नाराजी

शंकराचार्यांनी फडणवीस सरकारवर देखील नाराजी व्यक्त केली. “गाईंना राज्यमातेचा दर्जा देण्यात आला होता, पण त्यावर योग्य कार्यवाही आणि प्रोटोकॉल ठरले नाहीत,” असं म्हणत त्यांनी राज्य सरकारच्या ढिसाळ धोरणांवर बोट ठेवलं.

शंकराचार्य स्वामी अविमुक्तेश्वरानंद यांची प्रतिक्रिया केवळ धार्मिक नाही, तर भाषिक अस्मितेवरही एक मोठं विधान आहे. मराठीच्या मुद्द्यावर राजकीय पक्षांचा वापर थांबायला हवा आणि भाषेचा सन्मान हा केवळ राजकारणापुरता मर्यादित नसावा. मराठी भाषेला प्रतिष्ठा मिळवून देण्यासाठी सर्वच स्तरावर संवेदनशीलता गरजेची आहे.

आपलं मत काय? शंकराचार्यांचं वक्तव्य योग्य वाटतं का? खाली कमेंट करा!

हे हि वाचा: शंभूराज देसाई अनिल परब वाद: विधानपरिषदेत तापले वातावरण